Рөстәм Миңнеханов Казан ипподромында Сабантуй хөрмәтенә үткәрелгән ат чабышларын карады
Татарстан Рәисе Рөстәм Миңнеханов Казан ипподромында Сабантуй хөрмәтенә үткәрелгән бәйрәм ярышларында булды. Аның белән ат чабышларын ТР Дәүләт Киңәшчесе Минтимер Шәймиев, Төркестан өлкәсе Акиме Дархан Сатыбалды һәм Кызылорда өлкәсе Акиме Нурлыбәк Налибаев та тамаша кылды.
«Җайдаклар арасында 14тән артык бүләк уйнатылды. Ат чабышларында беренче тапкыр «БРИКС илләре Спорт уеннары» призын да тапшырдылар», - дип хәбәр итә ТР Рәисенең матбугат хезмәте.
«Казан» күп функцияле ат-спорт комплексы холлында 30дан артык эшкуар эксклюзив бизәнү әйберләре, декоратив элементлар, оригиналь уенчыклар һ.б. кул эшләнмәләрен тәкъдим итте. Һөнәрчеләр чүлмәк ясау, тире һәм агач эшкәртү, тукучылык буенча мастер-класслар оештырды.