Рөстәм Миңнеханов һәм Илсур Метшин Казанда БРИКС+ шәһәрләре ассоциациясе форумын ачты
Татарстан Рәисе Рөстәм Миңнеханов һәм Казан мэры Илсур Метшин бүген Казан Ратушасында БРИКС+ илләре шәһәрләре һәм муниципалитетлары ассоциациясенең беренче оештыру җыелышын ачты. Шәһәргә БРИКСның 10 иленнән якынча 200 кунак, шулай ук Төркия, Чили, Марокко, Индонезия, Мексика, Замбия һәм башка дәүләтләрнең җирле хакимияте вәкилләре килде, дип яза «Татар-информ» хәбәрчесе Александра Давыдова.
«Без барыбыз бергә планетада яшәүче 2,6 млрд кеше мәнфәгатьләрен тәкъдим итәбез. Бу масштаб безне илләрнең шәһәрләре арасында озак вакытлы хезмәттәшлек өчен ныклы нигез булдыруга тәэсирләндерә һәм илһамландыра. Хөрмәтле хезмәттәшләребез, сезнең белән бергә төзеләчәк зур корабны халык мәнфәгатьләрендә матур йөзү көтә дип өметләнәм», - дип сәламләде кунакларны Илсур Метшин.
Искәртик, катнашучылар форум кысаларында төзелә торган оешма структурасы һәм төрле өлкәләрдә тәҗрибә уртаклашу нәтиҗәсендә шәһәрләрнең мөмкинлекләрен киңәйтүгә юнәлтелгән уртак проектлар турында фикер алышачак. Җыелыштан тыш, катнашучыларны дискуссия сессиясе көтә. Аның модераторы Russia Today телеканалы һәм «Россия сегодня» Халыкара мәгълүмат агентлыгы баш мөхәррире Маргарита Симоньян була.