Иртәгә БРИКС уеннарында күпсанлы спорт төрләре буенча чираттагы ярышлар узачак

Якшәмбе Казанда күпсанлы спорт төрләре буенча чираттагы ярышлар узачак. Җылы һава торышы һәм арзан билетлар – ял көнендә бөтен гаилә белән трибуналарга килеп спорт уеннарын карарга менә дигән сәбәп.

Сылтама буенча узып, БРИКС уеннары рәсми сайтында ярышларның расписаниесе белән танышырга һәм билетлар сатып алырга була.

Казан Бадминтон үзәгендә барлык разрядларда финал матчлары узачак.

Ишү спорт төрләре үзәгендә узачак узышлар нәтиҗәсендә медальләр уйнатылачак.

Моннан тыш, медальләр җиңел атлетикада уйнатылачак. Өстәл теннисы буенча ялгыз разрядта финаллар узачак.

Суга сикерү спортын сөючеләрне чираттагы ярыш көне көтә. Бу спорт төре йолдызлары Казаннан Никита Шлейхер җитәкчелегендә җанатарларын осталыклары белән куандырачак.

Ниһаять, көнчыгыш көрәш төрләрен яратучылар ушу буенча финал ярышларын килеп күрә алачак.

Бишенче тапкыр узучы БРИКС илләре уеннары рәсми рәвештә 12 июньдә старт алды. Алар 23 июньгә кадәр дәвам итәчәк. Турнир программасы 27 спорт дисциплинасын үз эченә ала. 93 илдән килгән 4,7 меңнән артык спортчы бер-берсе белән көч сынашачак. 387 комплект медаль уйнатылачак.

Уеннарны үткәрү өчен Казанның 16 спорт объекты җәлеп ителә. Акробатик рок-н-ролл һәм брейкинг буенча ярышлар Мәскәүдә узачак. Расписание белән тулырак турнирның рәсми сайтында танышырга мөмкин.