Татарстанда май азагында һава температурасы климатик нормадан 3 градуска түбән булачак
![Татарстанда май азагында һава температурасы климатик нормадан 3 градуска түбән булачак](https://tatar-inform.tatar/images/uploads/news/2024/5/21/293e3f70b5d6d86a794f6e05d0329f5c.jpg)
Татарстанда майның өченче декадасында уртача һава температурасы климатик нормадан 3 градуска түбән булачак. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте белдерде.
Республика өчен 21-30 майда климатик норма +15,2 градус, Казанда +15,6 градус тәшкил итә, дип билгеләп үтә синоптиклар.
Метеорологлар фаразлаганча, майның беренче һәм икенче декадасы нормадан 6 градуска салкынрак була.
Бүген республикада җылы, әмма тотрыксыз һава торышы көтелә, кыска вакытлы яшенле яңгыр, урыны белән боз да яварга мөмкин.
Татарстан Гидрометеорология һәм әйләнә-тирә мохитне күзәтү үзәге мәгълүматлары буенча, бу атнада Татарстанда кабат кырау төшә, аннары кабат җылы киләчәк.