Чиләбедә «Айгөл» татар халык бию ансамбленең иҗат кичәсе була
24 майда 18.30 сәгатьтә Чиләбе Мәдәният йортында «Айгөл» татар халык бию ансамбленең хисап концерты була. Бу хакта ВКонтакте социаль челтәрендә «Чиләбе өлкәсе татар конгрессы» төркемендә хәбәр ителә.
«Төбәк, бөтенроссия һәм халыкара конкурсларда җиңүче һәм лауреат үрнәк коллектив - «Айгөл» татар халык биюе ансамбле хореография сәнгатенең тылсымлы дөньясына чакыра», диелгән хәбәрдә.
Чиләбе Мәдәният йорты Ярослав Гашек урамында 1нче йортта урнашкан.