Татарстанда 15 градуска кадәр җылы булачак
Бүген, 15 майда, Татарстанда салкын һәм коры һава торышы сакланачак, әмма шул ук вакытта температура фоны күтәреләчәк. Бу хакта ТР Гидрометүзәге хәбәр итә.
Республикада алмашынучан болытлы һава көтелә. Явым-төшем ихтималы аз. Метеорологлар билгеләп үткәнчә, төньяк-көнчыгыштан секундына 3-8 метрга кадәр җил исәчәк.
Салкыннардан соң көндез Татарстанда 10...15 градуска, Казанда 12...14 градуска кадәр җылы булачак.