Балтачта машинада һәм тракторда оста йөрүче укучыларны ачыкладылар
«Мәктәптән тыш эш үзәге» Балтач ДОСААФы белән «Профессионаллар-2024» һөнәри осталык буенча VIII чемпионат хәрәкәте кысаларында егетләр һәм кызлар арасында автомобиль йөртү һәм трактор йөртү компетенцияләре буенча ярышлар уздырды. Бу хакта «Хезмәт» сайтында Гөлзидә Газизуллина яза.
Ярышларда Балтач районы гомуми белем бирү мәктәпләреннән егетләр һәм кызлар катнашты. «Автомобиль йөртү» компетенциясендә 1 урынны Айзат Гыйльметдинов (Балтач урта мәктәбе), 2 урынны Ирек Габделганиев (Г.Г.Гарифуллин исемендәге Яңгул урта мәктәбе), 3 урынны Наталья Байманова (Чепья мәктәбе) алды.
«Трактор йөртү» компетенциясендә 1 урынны Родион Исаев (Исаев исемендәге Урта Көшкәт мәктәбе), 2 урынны Руслан Андреев (Балтач гимназиясе), 3 урынны Алмаз Шәйхетдинов (Норма мәктәбе) алды..