Татарстан композиторлары балалар өчен хор әсәрләре җыентыклары тәкъдим итә
Татарстан композиторларының балалар хорлары өчен язылган әсәрләре Балалар музыка мәктәпләре өчен ноталар җыентыгына тупланып бастырылган. Татарстан Композиторлар берлеге әлеге җыентыкларның концерт-презентациясен уздыра.
«Презентация 16 ноябрьдә Композиторлар берлеге бинасында уза. Башлана 18.00», дип хәбәр итә Берлек җитәкчелеге.
Җыентыкка бүгенге композиторлар Илһам Байтирәк, Алсу Сөнгатуллина, Алсу Абдуллина һәм башкаларның әсәрләре кергән.
Әсәрләрне Казан дәүләт мәдәният институты вокаль ансамбле, Әүхәдиев исемендәге Казан музыка көллиятенең камера хоры, Казан Балалар музыка мәктәпләре хорлары башкара.