Федерация советында өченче бала өчен ата капиталын кертү идеясен «яхшы» дип бәяләделәр
Иҗтимагый палатаның Россиядә өченче бала туган яки уллыкка алган өчен «ата» яки «күп балалы» капиталын кертү тәкъдиме яхшы, әмма моның өчен исәпләргә, кайдан акча алырга икәнен аңларга кирәк. Бу хакта РИА Новости Федерация Советының Конституцион законнар һәм дәүләт төзелеше буенча комитет әгъзасы Александр Башкинга сылтама белән хәбәр итә.
Россиядә өченче бала туган яки уллыкка алган өчен ата капиталын кертергә, ана капиталына өстәмә рәвештә миллион сум бирергә тәкъдим итәләр, диелә Россия Иҗтимагый палатасының Демография, гаиләне, балаларны һәм традицион кыйммәтләрне саклау комиссиясе докладында. «Известия» газетасы шул хакта яза.
«Идея яхшы, әмма акчаны кайдан алырга икәнен санарга кирәк - икътисади үсеш яисә социаль яклау юнәлешеннәнме», - диде Башкин.
Шулай ук бу идеяне гамәлгә ашыру өчен күпме акча кирәклеген аңларга кирәк, дип билгеләп үтте ул.