Миңнеханов: Минем гаиләмдә Урман хезмәткәрләре көне елның төп бәйрәмнәренең берсе иде
Татарстан Рәисе Рөстәм Миңнеханов урман хезмәткәрләрен һөнәри бәйрәмнәре белән котлады. Үзенең телеграм-каналында ул урман тармагы хезмәткәрләренә багышланган видео белән куйды.
«Урман хезмәткәрләрен һөнәри бәйрәмнәре белән котлыйм! Безнең газиз урманнар сезнең ышанычлы һәм кайгыртучан кулларыгызда», - диелә хәбәрдә.
Аннары Миңнеханов татар телендә аның гаиләсе өчен бу бәйрәм елның төп бәйрәмнәренең берсе булып торганлыгын әйтте. «Минем гаиләмдә дә бу көн елның төп бәйрәмнәренең берсе иде. Барлык урман хезмәткәрләрен чын күңелдән котлыйм!» – ди ул.
Искәртеп узабыз, урманда эшләү техникасын тапшыру тантанасында ул үзен урманчы улы дип атады, балачагы сугыш елларына туры килгән әтисе Нургали Миңнеханов кече яшьтән үк бу тармакта эшләгән. «Мин — урманчы улы, абыем урман тармагында эшләде һәм мин үзем дә районда эшләгәндә биредә хезмәт куйдым», - диде Татарстан Рәисе.