Кама Тамагында махсус операциядә һәлак булган хәрбиләргә истәлек такталары ачылды
Россия Геройлары Рөстәм Клупов һәм Руслан Кокшин Татарстанның Кама Тамагы районында махсус хәрби операциядә катнашучыларга истәлек такталары ачуда катнашты. Павел Савичев һәм Альберт Юнысов фронтта башларын салган, икесе дә үлгәннән соң Батырлык орденына лаек булган.
Тантаналы митинг Тәмте авылында Бөек Ватан сугышы елларында һәлак булган якташлар хөрмәтенә куелган обелиск янында узды. Митингта катнашучыларга Россия Геройлары Рөстәм Клупов һәм Руслан Кокшин, район башлыгы Наил Вазыйхов һәм Тәмте авыл җирлеге башлыгы Игорь Зиновьев мөрәҗәгать итте.
Фото: Светлана Заһидуллина
Рөстәм Клупов билгеләп үткәнчә, сугыш хәрәкәтләрен телевизордан күзәтүчеләргә фронтта алга китеш «беленер-беленмәс» кебек тоела, ә генералларга ул кайчагында «бик кечкенә» булып күренә.
Соңыннан Россия Геройлары, район җитәкчелеге вәкилләре һәм авыл кешеләре истәлек такталарына чәчәкләр салды.
Рөстәм Клупов һәм Руслан Кокшин Татарстанга «Геройларның хәтер вахтасы» проекты кысаларында килгән. Республика халкы өчен бу – ил азатлыгы хакына батырлык кылган кешеләр белән танышу өчен уникаль мөмкинлек. Мәктәп укучылары Россия Геройлары белән якыннан аралаша һәм аларга үзләрен кызыксындырган сорауларны бирә ала.