Васил Шәйхразыев Үләнкүл авылында Муса Җәлил бюстына чәчәкләр салды
Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Омск өлкәсендә. Монда ул Үләнкүл авылында Муса Җәлил бюстына чәчәкләр салды.
Бюст Советлар Союзы Герое М.Җәлил исемендәге Үләнкүл урта гомуми белем бирү мәктәбе территориясендә урнашкан. «Муса Җәлил – татар халкының символы. Геройга һәйкәл күп кенә илләрдә һәм шәһәрләрдә бар», дип билгеләп үтте ул, дип яза Бөтендөнья татар конгрессы матбугат хезмәте.
Биредә шулай ук Татарстан кунаклары өчен Үләнкүл мәктәбе буенча экскурсия узды.