Путин: Россия, Германияне узып, дөньяның иң зур биш икътисады арасына керде
2022 ел мәгълүматлары буенча, Россия дөньяның иң зур биш икътисады арасына керде. Бу хакта Россия Президенты Владимир Путин Стратегик үсеш һәм илкүләм проектлар буенча Совет утырышында әйтте.
«Россия 2022 ел нәтиҗәләре буенча дөньяның иң зур биш икътисады арасына керде. Бөтендөнья Банкы мәгълүматларына караганда, Россия Федерациясе алга чыкты һәм Германия Федератив Республикасын сатып алу сәләте паритеты, икътисад күләме буенча узып китте», – дип хәбәр итте дәүләт башлыгы.
Исегезгә төшерәбез, август башында Бөтендөнья банкының еллык доклады дөнья күрде. Анда язылганча, тулаем эчке продукт үсеше буенча Россия дөньяда бишенче урында тора.