Әфганстан делегациясе Казанга мәгариф министрлары форумында катнашырга килде
Казанга мәгариф министрларының «Киләчәкне формалаштырып» дигән халыкара форумы чараларында катнашу өчен Әфганстаннан хөкүмәт делегациясе килде. Делегациянең җитәкчесе – Әфганстанның югары белем министры Мөхәммәт Нида Надим.
Әфганстан делегациясен Россия мөселманнарының Казан хәйрия патриотик фонды генераль директоры Рөстәм Хәбибуллин озатып йөри. Фондның вәкиллеге Кабулда эшли.
«Татарстан Әфганстан белән мөнәсәбәтләрне икътисад өлкәсендә генә түгел, мәгариф өлкәсендә дә үстерүен дәвам итә. Күптән түгел «Россия – Ислам дөньясы: KazanForum» Халыкара икътисади форумы эшендә хөкүмәтнең Әфганстан сәнәгать һәм сәүдә министры Нуруддин Азизи җитәкчелегендәге делегациясе катнашты. Ә бүген Татарстан башкаласына Әфганстанның югары белем министры Мөхәммәт Нида Надим килде. Форумда берничә очрашу уздыру планлаштырыла, шул исәптән Әфганстан студентларын Россия югары уку йортларында укыту мәсьәләләренә кагылышлы да», – дип билгеләп үтте «Татар-информ» журналистына Хәбибуллин.