«Яндекс Карты»га татар телендә автомобиль навигациясе өстәлде
«Яндекс Карты»да татар телендә автомобиль навигациясе барлыкка килде. Хәзерге вакытта 200дән артык фраза язылган. Бу турыда Бөтендөнья татар конгрессының матбугат хезмәте Enter интернет-журналына сылтама белән хәбәр итә.
Проектны «АИГЕЛ» электрон хип-хоп дуэты солисты Айгөл Гайсина тавышландырган. Кайбер җөмләләрдә ул татар мәдәниятенең элементлары, шул исәптән, уеннар, милли ризыклар һәм фольклор персонажлары турында телгә ала. Мисал өчен, Гайсина тукталышка якынлашканда ял итәргә һәм өчпочмак белән чәй эчәргә тәкъдим итә, ә машина йөртүче маршруттан киткән очракта, аны урманда яши торган Шүрәле юлдан яздырырга мөмкинлеген әйтә.
Татар телен сайлау өчен сервисның «настройка»сына керергә, «звуки и оповещения»ны ачарга, «язык аннотаций»га басарга кирәк.