Ульяновск өлкәсендә Муса Җәлил истәлегенә шахмат турниры узды
https://tatar-congress.org/
12 февраль көнне Ульяновск татар мәдәният үзәгендә патриот-шагыйрь, Советлар Союзы Герое, «Моабит дәфтәрләре»нең авторы Муса Җәлил истәлегенә багышланган традицион шахмат турниры узды.
Өлкә татар милли-мәдәни автономиясе, Мәдәният үзәге hәм «Ак тулпар» шахмат клубы тырышлыгы белән уздырылган турнирда утызга якын кеше катнашкан. Бу хакта Бөтендөнья татар конгрессы матбугат хезмәте хәбәр итә.
«Турнирны Ульяновск өлкәсенең физик культура hәм спорт министрлыгы, төбәкнең шахмат федерациясе белән берлектә оештырдык. Турнирда мәктәп укучыларының, яшьләрнең елдан-ел күбрәк катнашуы аеруча сөендерә,- дип белдерде «Ак тулпар» шахмат клубы җитәкчесе hәм бәйгенең төп спонсоры Камил Мусин.