2023 елда эшләми торган пенсионерларның пенсиясе инфляциядән артыграк индексацияләнәчәк
20230 елда эшләми торган пенсионерларның пенсиясе күләмен инфляциядән 2,6 процент пунктына артыграк итеп индексациялиләр. Бу турыда Россиянең Хезмәт һәм социаль яклау министрлыгы башлыгының урынбасары Андрей Пудов әйткән. РИА Новости шул хакта яза.
«Бюджетның формалаштырылган чыгымнары 2023 елның 1 гыйнварыннан һәм 2024 елда эшләми торган пенсионерларның иминият пенсиясен уртача 1 мең сумга арттырырга мөмкинлек бирә. Бу 2022 елның 1 июнендә индексацияләүне исәпкә алып, пенсиянең инфляция дәрәҗәсеннән зуррак күләмдә артуын тэмин итә. Нәтиҗәдә тулы индексация инфляциядән 2,6 процент пунктына артыграк була», – дигән ул Дәүләт Думасының Хезмәт, социаль сәясәт һәм ветераннар эшләре буенча комитеты утырышында.
- Татарстанда картлык буенча иминият пенсиясенең уртача күләме 19 мең сумнан артып киткән
- Артык түләнгән пенсияне мәҗбүри рәвештә кире кайтару очрагы турында аңлаттылар