Апаста «Мәйдан» каналы оештырган беренче җәйге Open air концерт башланып китте
Концертның хедлайнеры - Илсөя Бәдретдинова.
Апасның Сабантуй мәйданында «Мәйдан» телеканалы оештырган җәйге Open air концерт башланып китте. Бу концерт «Мәйдан» телеканалы тарихында беренче.
Open air ның сценарий авторы һәм алып баручысы, журналист Элвира Шакирова сүзләренчә, «Мәйдан» каналы берничә көннән Балык Бистәсендә Open air, көз айларында концертлар да оештырачак.
«Мәйдан» каналына 11 яшь. Безнең мондый Open air лар оештырган юк иде. Яңа продюсер Ленар Кашафетдинов килде дә, концертлар оештырыйк, диде. Каналның җитәкчесе Диана Сафиуллина яңалыклар ярата, ул да риза булды», - дип сөйләде Элвира Шакирова.
Фото: © Энҗе Габдуллина
Концертта Ландыш Нигъмәтҗанова, Алсу һәм Азат Фазлыевлар, Ришат Фазлыйәхмәтов, Илмира Нагыймова, Марат Яруллин, Раяз Фасыйхов, Винарис, Гөлназ һәм Илсур Шәрипҗановлар, Зәринә Хәсәншина, Бәширә Насыйрова, Асаф Вәлиев, Гүзәл Идрисова, Илназ Бах, Гүзәлия, Лейна, Сөмбел Билалова, Булат Нигъмәтуллин, Азат Абитов һәм Гөлсирин Абдуллина, Дилә Нигъматуллина, АкБулат, Лилия Хәйруллина, Вәсилә, Лилия Хәмитова, Артур Минһаҗев, Илфат Шәехов чыгыш ясый.
Концертның хедлайнеры - Илсөя Бәдретдинова.