Тарифлар буенча комитет Казанның автотранспорт предприятиеләре хатына җавап бирде
(Казан, 22 ноябрь, «Татар-информ»). ТР Тарифлар буенча дәүләт комитеты Казан автотранспорт предприятиеләренең гражданнарның ташламалардан файдаланучы категорияләрен йөрткән өчен компенсацияне 18 сумнан 27 сумга кадәр арттыруны сорап язган мөрәҗәгатенә җавап бирде.
<~>ТР Тарифлар буенча дәүләт комитетында билгеләп үтүләренчә, алар гражданнарның ташламалардан файдаланучы категорияләре өчен тарифлар билгели алмый, чөнки бу аларның вәкаләтенә керми. Комитет рәисе вазифаларын вакытлыча башкаручы Александр Штром кул куйган хатта шул хакта сүз бара.
<~>ТР Автотранспорт предприятиеләре ассоциациясе моңа кадәр ТР финанс министры Радик Гайзатуллинга гражданнарның ташламалардан файдаланучы категорияләрен йөрткән өчен компенсацияне арттыру яки гадәти гражданнар өчен тарифларны күтәрү үтенече белән ачык хат юллаган иде.
<~>Гайзатуллин әлеге хатка, ТР Тарифлар буенча дәүләт комитеты шундый карар кабул иткән очракта, аның ведомствосы компенсацияне арттыруны хуплаячак дип җавап бирде. Ул вакытта ТР Финанс министрлыгы ТР Тарифлар буенча дәүләт комитетына хат юллады.
<~>Хатта әйтелгәнчә, бюджет компенсацияләре мәсьәләсе ТР Транспорт һәм юл хуҗалыгы министрлыгы вәкаләтләренә карый.
<~>