Новости за 01.03.2026

Казан белән Абу‑Даби арасында рейслар гамәлдән чыгарылды. Бу хакта мәгълүмат Казан аэропортының онлайн-таблосында чыкты.

Ирандагы башлангыч мәктәпкә һөҗүм корбаннары саны 148 кешегә җиткән. Бу хакта Tasnim агентлыгына таянып, ТАСС хәбәр итә.

Иран шәһәрләренә ракета һөҗүменнән балалар һәм тыныч халык һәлак булуы сәбәпле Россия Федерациясе мөселманнары диния нәзарәте рәисе Баш мөфти шәех Равил Гайнетдин кайгы уртаклаша, дип хәбәр итә Россия Федерациясе мөселманнары Диния идарәсе телеграм-каналы.

Иран Кораллы Көчләр Генераль штабы башлыгы Абдулрахим Мусави, шулай ук саклану министры Азиз Насирзаденың һәлак булуын раслый, дип хәбәр итә илнең IRNA дәүләт агентлыгы.

Бүген, 1 мартта, Халыкара гражданнар оборонасы оешмасы тарафыннан гамәлгә куелган көн – Бөтендөнья гражданнар оборонасы көне билгеләп үтелә. Моңа бәйле рәвештә Россия Гадәттән тыш хәлләр министрлыгының Татарстан Республикасы буенча Баш идарәсе башлыгы Ирек Кадамов тармак хезмәткәрләрен һәм ветераннарын котлады.

Татарстан Рәисе Рөстәм Миңнеханов аны туган көне белән котлаучыларга рәхмәт белдерде. Бүген Рөстәм Миңнехановка 69 яшь тулды. Видеомөрәҗәгатен ул социаль челтәрләрдәге битләрендә урнаштырган, шул исәптән MAX илкүләм мессенджерында да.

2006 елда «дача амнистиясе» турындагы закон үз көченә кергәннән бирле Татарстан Республикасы буенча Росреестр идарәсе җир кишәрлекләренә — 426,7 меңнән артык, торак йортларга — 303 меңгә якын һәм төзелешкә рөхсәт таләп итми торган башка корылмаларга 121,6 меңнән артык хокук рәсмиләштергән. Бу хакта ведомствоның матбугат хезмәте хәбәр итә.

Изге Рамазан ае 19 мартка кадәр дәвам итәчәк. Бу чорда дин тотучылар таң атканнан алып кояш баеганчыга кадәр ураза тотарга тиеш.

Бүген, язның беренче көнендә, Татарстанда көчле кар һәм буран көтелә, күрү мөмкинлеге 1 мең метрга кадәр кимиячәк, дип фаразлый ТР Гидрометеорология үзәге.

Иранның югары лидеры Али Хаменеи һәлак булган. Бу хакта АКШ президенты Дональд Трамп хәбәр итә.

Әлмәттә бөтенроссия проекты кысаларында креатив индустрияләр мәктәбе оештырган «Герой атасы» уникаль цифрлы күргәзмәсен күрсәттеләр. Бу хакта «Әлмәт таңнары» хәбәр итә.

Белем көнендә мәктәп линейкасында татар милли киемнәре кигән беренче сыйныф укучылары белән видео тиз арада Интернет челтәренә таралды һәм миллионлаган карау җыйды. Күпләр өчен Самараның «Яктылык» татар мәктәбе ачыш булды.

Азнакайның «Сандугач» балалар бакчасы «Иң яхшы билингваль балалар бакчасы» бәйгесендә җиңү яулады. Балалар бакчасы 500 мең сумлык грантка ия булды, дип хәбәр итә «Азнакай» сайты.

Хаменеиның үлеме турында халыкара медиа да язды, ләкин Иранның Fars дәүләт агентлыгы Трампның Хаменеи үлеме турындагы сүзләрен нигезсез белдерү дип атады.