Новости за 31.01.2026

1 февральдә Казанның «Бустан» спорт комплексында «Вакыт безне сайлады» спорт-патриотик фестиваленең чираттагы этабы узачак. Бу хакта «ТР Спорт көрәше ассоциациясе» матбугат хезмәте хәбәр итә.

Татарстан Рәисе Рөстәм Миңнеханов Татарстанның Берләшкән Гарәп Әмирлекләрендә узган Gulfood халыкара азык-төлек сәнәгате күргәзмәсендә уңышлы катнашуын билгеләп үтте. Бу хакта ТР Рәисе матбугат хезмәте хәбәр итә.

Татарстан Диния нәзарәтендә мөселман яшьләре һәм барлык теләүчеләр өчен лекцияләр һәм дискуссияләр дәвам итә. Чираттагы очрашу 4 февральдә кичке 18:30 сәгатьтә Татарстан мөфтияте бинасында узачак, дип хәбәр итте республика Диния нәзарәте матбугат хезмәте.

Татарстан Рәисе Рөстәм Миңнеханов ТР Хөкүмәте йортында узган традицион шимбә киңәшмәсендә көчле кар һәм буран шартларында юлларда иминлекне тәэмин итү һәм коммуналь хезмәтләрнең эшен оештыру турында йөкләмәләр бирде. Бу хакта ТР Рәисе матбугат хезмәте хәбәр итә.

Быел татар дөньясы патриот шагыйрь, Советлар Союзы Герое Муса Җәлилнең 120 еллык юбилеен зурлап билгеләп үтә. Ульяновск өлкәсе мәктәпләре һәм мәдәният учреждениеләрендә тематик чаралар үткәрелә башлаган. Бу хакта өлкәнең «Өмет» газетасы хәбәр итә.

Күпфатирлы йортларда яшәүчеләр ишегалды кардан начар чистартылган очракта идарәче компаниягә яки торак милекчеләре ширкәтенә шикаять белән мөрәҗәгать итә ала. Бу хакта Дәүләт Думасының төзелеш һәм торак-коммуналь хуҗалык комитеты рәисе урынбасары Сергей Колунов хәбәр итте.

Дәүләт экспертизасы Казанда беренче крематорий төзү проектын хуплады. Элегрәк хәбәр ителгәнчә, объектны 2029 елда ачарга планлаштыралар.

Казанның Киров һәм Мәскәү районнарында тыючы билгеләр янында куеп калдырылган һәм кар чистарту машиналарына комачаулый торган машиналарны эвакуатор белән алып китәләр.

2026 елда 170 мәгариф объектында 10,5 млрд сумлык капиталь ремонт эшләре башкарылачак. Бу хакта ТР Хөкүмәте йортында узган киңәшмәдә ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте, дип тапшыра ТР Рәисе матбугат хезмәте.

Казанда слесарь өстенә трактор ауганнан соң җинаять эше ачылды.

Татарстан прокуратурасы матбугат хезмәтендә хәбәр итүләренчә, тикшерү кеше үлеменә китергән иминлек техникасын бозу фактларын ачыклаган. Тикшерү нәтиҗәләре нигезендә, җинаять эше ачылган.

«Татар-информ» хәбәр иткәнчә, кичә Казанда канализациядән су суыртканда трактор үзеннән-үзе торба үткән зонага төшкән һәм 63 яшьлек слесарь ир-атның өстенә төшкән. Эшче алган җәрәхәтләрдән үлгән.

«Игелекле йөрәкләр» төркеме волонтерлары гуманитар ярдәм җыю һәм Түбән Кама халкын махсус хәрби операциядә катнашучыларга булышуга җәлеп итү эшен дәвам итә. Чираттагы мастер-класс Химиклар урамы, 72б адресында урнашкан гуманитар ярдәм кабул итү пунктында узган. Биредә 18нче номерлы коррекция мәктәпнең 6 «А» сыйныфы укучылары коры душ комплектлары ясаган.

Узган тәүлектә Казан урамнарыннан 26,5 мең тонна кар чыгарылган. Юлларны эшкәртү өчен 1,3 мең тонна бозлавыкка каршы материал: 476 тонна реагент һәм 908 тонна ком-тоз катнашмасы кулланылган. Юлларны җыештыру өчен 1178 берәмлек техника һәм 703 юл эшчесе җәлеп ителгән. Бу хакта Тышкы төзекләндерү комитеты хәбәр итте, дип тапшыра Казан мэриясе матбугат хезмәте.

Актаныш районының «Без бергә» фонды волонтерлары Лилия Гикрамина һәм Фирдания Нуруллина махсус хәрби операциядә катнашучы Руслан Гайсинның гаиләсе белән җылы очрашу үткәргән. Сәбәбе – хәрби хезмәткәрнең һәм аның хатыны Илсөярның кызлары туган.

Татарстан гомуми файдаланудагы юлларда юл-транспорт һәлакәтләрен автомат рәвештә ачыклау системасын кертергә әзер. Бу хакта Татарстан Республикасы Фәннәр академиясе президенты Рифкать Миңнеханов ТР Транспорт министрлыгы коллегиясе утырышында хәбәр итте.

«Татар-информ» гыйнварда LiveInternet порталының Татарстан массакүләм мәгълүмат чараларының төбәк трафигы рейтингында икенче урын яулады. Мәгълүмат агентлыгы сайтына 31 көндә 430 меңгә якын кулланучы кергән.

Татарстан Дәүләт сынлы сәнгать музеенда «Кеше приюты – юл күрсәткеч җеп» фотокүргәзмәсе ачылды. Экспозициядә фотограф-документалист Артур Назаровның «Кеше приюты» карамагындагыларның тормышын чагылдырган 60 эше тәкъдим ителгән. Бу хакта Казан шәһәре мэриясе матбугат хезмәте хәбәр итте.

«Бердәм Россия яшь гвардиясе» Татарстан төбәк бүлеге, ТР Студентлар лигасы һәм Татарстан Яшьләр эшләре министрлыгы хәрбиләр һәм госпитальләр, шулай ук махсус хәрби операция зонасында эшләүче тегү цехлары өчен шефлык ярдәме җыюны дәвам итә.

2025 елда Татарстанда гомуми 5335 гектар мәйданда урман торгызылган һәм утыртылган. Бу эшләрнең шактый өлеше «Экологик иминлек» илкүләм проектының «Татарстан Республикасында урманнарны саклау» төбәк проекты кысаларында башкарылган. Бу хакта Татарстанның Урман хуҗалыгы министрлыгы хәбәр итә.

Хосписларга, хайваннар өчен приютларга һәм башка хәйрия оешмаларына ярдәм итүче татарстанлылар салым түләүләренең бер өлешен социаль ташлама рәвешендә кире кайтара ала. Моны ничек эшләргә – «Татар-информ» материалында.

«Выносятся такие решения, которые не входят ни в какие рамки благополучия жизни сельхозтоваропроизводителей»

Республикада 401 мең шәхси ярдәмче һәм 2650 фермер хуҗалыгы исәпләнә. Алар 106 мең гектар җирдә хезмәт куя, 208,4 мең баштан артык мөгезле эре терлек, шул исәптән 81 мең сыер асрый. Фермер хуҗалыгы 4 меңнән артык булып исәпләнгән чордан, шәхси хуҗалык рәтенә төшүләре нәтиҗәсендә, аларның саны кимегән.

Бүген, 31 гыйнварда, Татарстанда явым-төшемле болытлы һава торышы көтелә. ТР Гидрометеорология үзәге фаразлавынча, республикада кар һәм җепшек кар явачак, урыны белән явым-төшем көчле булачак. Кайбер районнарда буран һәм бозлавык булу ихтимал.

Кәзкәй авылында урнашкан Советлар Союзы Герое Хәсән Заманов исемендәге Актаныш кадет мәктәп-интернатында чираттагы Әтиләр советы утырышы узды. Бу хакта «Актаныш» газетасы яза.

Олыяз мәдәният йортында «Кукмара азаны» бәйгесенең финалы узды. Бу хакта «Хезмәт даны» газетасы яза.

Инде менә дүртенче ел район фидакарьләре яу кырындагы солдатларыбыз өчен маскировка челтәрләре үрә, кием-салым тегә, азык-төлек, техника, медикаментлар хәстәрләп җибәрә, машиналар сатып алып озата. Шәһәр волонтерлары белән беррәттән авыл җирлекләрендә яшәүче әби-апалар да Җиңүне якынайту өчен кулдан килгәннең барысын да эшләргә тырышалар. Авыл фидакарьләренең эшчәнлеген без дә газетабызда еш яктыртып барырга тырышабыз. Бу хакта «Әлмәт таңнары» газетасы яза.