Ukraina TİNi Bağçasaraydaki «Hizb ut-Tahrir işi» figurantlarına tevqifniñ uzatılamsını taqbih etti
Ukraina Tış işleri nazirligi (TİN), martnıñ 5-nde Bağçasaraydaki «Hizb ut-Tahrir işi» figurantlarına tevqif muddetini iyünniñ 9-na qadar uzatqan Rusiyeniñ kontroli altında olğan Aqmescitteki Kyiv rayonı mahkemesiniñ qararını taqbih ete. Bunı tış siyaseti muessisesiniñ spikeri Maryana Betsa Twitterde bildirdi. Ukraina TİNiniñ temsilcisi: «İşğalci mahkemeleriniñ zulmüni taqbih etemiz. Qırımtatarlarnıñ diskriminatsiyası ve Rusiye tarafından işlengen diger cinayetlerniñ faktlarını halqara mahkemelerge teslim etecekmiz», – dep yazdı. Читать дальше...