Aşgabatda türkmen-rus 'tegelek stol' duşuşyklary geçirilýär
Şu aralykda TASS Russiýanyň premýer-ministri Mihail Mişustiniň Türkmenistana sapara gelendigini habar berdi.
Bu duşuşyklara we işewürlik maslahatyna gatnaşmak üçin rus prezidentiniň dolandyryş gullugynyň, Döwlet dumasynyň, ýurduň sebitleriniň we kompaniýalarynyň wekilleriniň gatnaşmagynda düzülen topar Türkmenistana sapara geldi.
Işewür gepleşikler gurluşyk, senagat önümçiligi, ykdysadyýetiň sanlylaşdyrylmagy boýunça iki ýurduň degişli wekilleriniň gatnaşmagyndaky iki duşuşyk bilen başlandy.
Iki ýurduň işewür wekilleri özara hyzmatdaşlyk gepleşiklerini dowam etdirip, günüň ikinji ýarymynda bilim, ulag-logistika pudaklaryndaky hyzmatdaşlygyň möhüm meselelerini ara alyp maslahatlaşdylar diýip, habarda bellenýär.
Şeýle-de, günüň dowamynda Türkmenistanyň daşary işler ministri Raşid Meredow bilen Russiýa Federasiýasynyň hökümet başlygy Mihail Mişustiniň gatnaşmagynda, türkmen-rus işewürlik forumynyň esasy mejlisiniň geçiriljekdigi aýdylýar.
Türkmen-rus işewürlik forumy ertir — 20-nji ýanwarda hem dowam etdiriler. Forumyň ahyrynda Türkmenistanyň we Russiýanyň arasyndaky hyzmatdaşlyk resminamalaryna gol çekiler.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň gizlinligini doly kepillendirýär.