Eýran häkimiýetleri AÝ/AR-nyň bosgunlykda ýogalan žurnalistiniň jesedini alyp gaçdy
AÝ/AR-nyň 45 ýaşly žurnalisti Hagigatnejad 17-nji oktýabrda Berlindäki Çarite keselhanasynda aradan çykdy we onuň jesedi 25-nji oktýabrda, öz ýurdunda jaýlanmagy üçin Eýrana iberildi.
Emma muňa garamazdan, çeşmeleriň Hagigatnejadyň 2019-njy ýyldan bäri işleýän "Farda" radiosyna beren habaryna görä, Yslam rewolýusiýasyny goraýjylar korpusynyň (IRGC) wekilleri jesediň topraga tabşyrylmagynyň öňüni baglap, ony näbelli ýere alyp gitdiler.
Ýogsa garyndaşlary we dostlary “Farda” radiosyna merhumyň jesedini dogduk şäheri Şirazda jaýlamak üçin zerur bolan rugsatlaryň berlendigini aýdypdylar.
“Farda” radiosy Hagigatnejadyň maşgalasyna onuň dogduk şäheriniň daşynda başga bir gonamçylykda jaýlanmagyna razylyk bermekleri üçin hökümet tarapyndan basyş edilýändigini görkezýän maglumatlary aldy.
AÝ/AR-nyň prezidenti we ýerine ýetiriji direktory Jeými Flaý Eýran režiminiň Hagigatnejadyň maşgalasyna basyş etmeginiň "masgaraçylykly we ýigrenji" bolandygyny, olaryň merhumy režimiň ýanamazlygynda jaýlamagyna rugsat berilmelidigini aýtdy.
Eýran häkimiýetleri bu mesele boýunça hiç bir düşündiriş bermedi. Hagigatnejad Eýrany žurnalistlere edilýän basyşyň güýçlenmegi netijesinde terk etdi we žurnalistlik işleri sebäpli ýurduna diri wagty dolanyp bilmedi.