Ýerewan bazarynda turan ýangynda azyndan alty adam öldi, 16 adam tapylmaýar
Ermenistanyň Adatdan daşary ýagdaýlar ministrliginiň resmisi Gary Armaganýanyň sözlerine görä, bu ýerdäki halas ediş işleri 15-nji awgustda hem dowam etdirildi, 16 adam şindi hem tapylmaýar.
"Häzirki wagtda ýangyn söndüriş we gözleg, halas ediş işleri dowam edýär, ýangyn entek doly öçürilmedi, gözleg işleri dowam etdirilýär" diýip, Azatlyk Radiosynyň Ermeni gullugy habar berýär.
Surmalu bazarynda bolan partlamadan we ýangyndan soň birnäçe adam harabalygyň aşagynda galdy, Ýerewan asmanyny goýy tüsse buludy gaplady. Partlama feýerwerkleriň saklanýan ýerinde boldy.