ÝB Lukaşenkany, onuň ogluny we ýene 13 adamy Belarusdaky basyşlar sebäpli 'gara sanawa' goşdy
6-njy noýabrda ÝB-niň resmi žurnalynda wiza gadagançylygyna we emläkleriniň doňdurylmagyna sezewar bolan 15 adamyň ady çap edildi.
Oktýabr aýynyň başynda demonstrantlary we oppozisiýany rehimsiz repressiýa etmekde we 9-njy awgustda geçirilen ses berişlikde galplyga ýol bermekde aýyplanýan şuňa meňzeş çäklendiriji çäreler mundan öň 40 belarus resmisi babatynda kabul edilipdi.
Oppozisiýanyň aýdyşy ýaly galplaşdyrylan saýlawlar Günbatar tarapyndan kabul edilmedi we Belarusda 26 ýyl bäri ýurdy dolandyrýan Alyaksandr Lukaşenka garşy köpçülikleýin demonstrasiýalara getirdi.
Häkimiýetler Lukaşenkany ýeňiji diýip yglan edeli bäri ýurtda müňlerçe adam tussag edildi. Ýurduň oppozisiýa liderleriniň köpüsi tussag edildi ýa-da ýurtdan çykmaga mejbur boldy.