Gazak prezidentlik saýlawlarynda Tokaýew ýeňiş gazandy
Gazagystanyň Merkezi Saýlaw Komissiýasy irki prezidentlik saýlawlarynyň ahyrky netijelerini yglan edip, geçiş prezidenti Kasym-Žomart Tokaýewiň ýeňişini tassyklady.
Ýurduň ozalky prezidenti Nursoltan Nazarbaýew tarapyndan geçiş prezidenti hökmünde saýlanan Tokaýew sesleriň 70.96%-ni alypdyr.
Ozalky žurnalist Amiržan Kosanow sesleriň 16.23%-ni alyp, ikinji orny eýeledi.
9-njy iýunda energiýa serişdelerine baý Merkezi Aziýa ýurdunda geçirilen saýlawlarda hökümete garşy ýüzlerçe asuda protestçiniň tussag edilmegi ses berişliklere kölege saldy.