Gazak hukuk goraýjysy öz itiniň zäherlenip öldürilendigini güman edýär
Jynsy zorluklaryň pidalaryna wekilçilik edýän we 2018-nji ýylda ABŞ-nyň Döwlet departamentiniň Halkara edermenlik sylagy bilen sylaglanan Aýman Omarowa öz itini 5-nji iýunda irden Almatydaky öýüniň howlusynda öli tapandygyny aýtdy.
It bäş ýaşyndaky we saglygy gowudy diýip, Omarowa aýtdy we onuň dostana haýwan bolandygyny, goňşular bilen arada hiç bir alada döretmändigini sözüniň üstüne goşdy. “Meniň itip zäherlenip öldürilene meňzeýär” diýip, ol aýtdy.
“Men munuň öz professional işim üçin edilen işdigine ynanýaryn” diýip, bu iş boýunça polisiýa şikaýat eden Omarowa aýtdy. Ol biraz öň biriniň öz jaýynyň derwezesinden öli pişik asyp gidendigini, munuň duýduryş bolandygyny hem belledi.