Eston saýlawlarynda oppozisiýadaky liberal partiýa ýeňiş gazandy
3-nji martda geçen saýlawlaryň gutarnykly netijelerine görä, Estoniýanyň oppozisiýadaky liberal Reforma partiýasy premýer-ministr Juri Ratasyň dolandyryjy merkez-ganat Merkez partiýasyndan üstün çykdy. Ses berişlikde aşa sagçylar hem köp goldaw aldy.
Baltika ýurdunyň saýlaw komissiýasy 4-nji martda günbatara tarapdar Reforma partiýasynyň sesleriň 28.8 prosentini alyp, 101 orunly parlamentiň 34 ornuny eýeländigini yglan etdi. Bu partiýanyň ozalky parlamentde 30 orny bardy.
Merkez partiýasy sesleriň 23.9 prosentini alyp, parlamentde26 orun aldy, ýogsa ol 2014-nji ýyldaky saýlawlarda 27 orun alypdy.
Milletçi, aşa sagçy topar bolan EKRE, Estoniýanyň Konserwatiw halk partiýasy sesleriň 17.8 prosentini alyp,19 orun bilen üçünji boldy. Bu partiýa öňki saýlawda8.1 prosent ses alyp, parlamentde 12 orna eýe bolupdy.