Новости за 20.11.2021

Раиси Ҳизби ҳаракати миллатгароёни Туркия Давлат Бахчелӣ рӯзи 17-уми ноябр ба президенти ин кишвар, Раҷаб Таййиб Эрдуғон, харитаи "ҷаҳони турк"-ро туҳфа кард, ки ба он ҳудуди 20 минтақаи Русия ва як қисми Чин дохил карда шудаанд.

Дар як суханрониаш аз минбари Шӯрои амнияти СММ дар Ню-Йорк Ҷонибек Ҳикмат, намояндаи доимии Тоҷикистон дар СММ гурӯҳи ҳокими “Толибон”-ро дар Афғонистон барои иҷро накардани тақозоҳои байналмилалӣ айбдор кард. Ин суханронӣ, ки ба иттилои вазорати корҳои хориҷии Тоҷикистон, рӯзи 17 ноябри имсол дар ҷаласаи бахшида ба масоили Афғонистон бо ширкати намояндаи вижаи дабири кулли СММ ва роҳбари Ҳайати мусоидати СММ дар Афғонистон Дебора Лайонс ва намояндагони дипломатии дигар кишварҳо барпо шуд, бештар... Читать дальше...

Рӯзи 20 ноябр дар шаҳри Вена, пойтахти Австрия чандин ҳазор нафар ба нишони эътироз аз маҳдудиятҳои нави зидди коронавирус дар ин кишвар ба хиёбонҳо рехтанд. Полис гуфт, ки дар Вена тахминан 7 ҳазор нафари норозӣ бо чораҳои нави ҳукумат барои ҷорӣ кардани маҳдудияти сартосарӣ даст ба эътироз заданд. Маҳдудиятҳо 22 ноябр ҷорӣ мешаванд ва эътирозгарон талаботи қонунии эмшавии ҳатмӣ бар зидди коронавирусро, ки феврали соли 2022 ба иҷро медарояд, ҳамчун чораи маҷбуркунанда интиқод карданд. Ҳизби ростгарои... Читать дальше...

Созмони ҷаҳонии тандурустӣ гуфт, аз афзоиши сирояти коронавирус дар Аврупо “бисёр дар ташвиш аст”. Дар як мусоҳибааш бо шабакаи Би-Би-Си раиси барномаҳои минтақавии ин созмон Ҳанг Крюге ҳушдор дод, ки  агар тадбирҳои фаврӣ гирифта нашаванд, то моҳи март шумори қурбониҳои коронавирус дар Аврупо ба ним миллион нафар баробар мешавад. Ин ҳушдор дар ҳоле садо медиҳад, ки дар кишварҳои Словакия ва Ҷумҳурии Чех афзоиши рекордии олудашавиҳо ба беморӣ шурӯъ аз замони пандемия ба қайд гирифта шудааст. Крюге гуфт... Читать дальше...

30 сол пеш, вақте Иттиҳоди Шӯравӣ пош хӯрд, қазоқҳои Муғулистон қарор карданд ба ватани бобоии худ бикӯчанд. Дар миёни онҳо духтарчаи хурдсол Асемгул Муҳитқизӣ ҳам буд, ки калон шуда хабарнигори Радиои Озодӣ гардид.

Озод Сиддиқов муассиси ширкати Mishkadigital.ru дар Русия ба ширкатҳои тиҷоративу корхонаҳои мухталиф дар пешбурди тиҷорат тавассути интернет кӯмак мекунад. Озод Сиддиқов шаш сол аст, ки дар Маскав зиндагӣ мекунад, то он замон, ба гуфтааш, ба ҳайси хабарнигор дар радиоҳои “Азия-Плюс” ва “Ватан” ва баъдан ба ҳайси мутахассиси таблиғоту реклама дар ширкати “Билайн” кор кардааст.

Марзбонони Полша гуфтанд, ки рӯзи 20-уми ноябр аз талоши чандин гурӯҳи муҳоҷирон барои убури марзи Беларус ва Полша “бомуваффақият”  пешгирӣ карданд. Ин талошҳо, ба гуфтаи мақомот, рӯзи 19-уми ноябр, замоне, ки шуморе аз муҳоҷирон хостанд аз Беларус ба Полша ворид шаванд, сабт шудааст. Мақомот гуфтанд, ки шумори муҳоҷирон камтар шудааст.  Иттиҳоди Аврупо раҳбари худкомаи Беларус Александр Лукашенкоро барои ба сарҳадҳои Аврупо тела додани селаи муҳоҷирон гунаҳгор кард. Брюссел мегӯяд, Минск дар посух... Читать дальше...

Сауле Умарова, як зодаи Қазоқистон ва шаҳрванди ИМА номзад ба мақоми мудири фаъолиятҳои бонкӣ мебошад. Рӯзи 18-уми ноябр зимни баррасии номзадии ӯ дар Сенат бархе конгрессменҳои асосан ҳизби ҷумҳурихоҳ чандин бор “гузаштаи шӯравӣ”-и ӯро ёдовар шуданд.

Маркази назорат ва пешгирии бемориҳо дар ИМА рӯзи 19-уми ноябр санадеро имзо кард, ки қабули воксинаи сеюми  тақвиятдиҳандаи саломатиро дар муқобили COVID-19 иҷоза медиҳад.  Ҳадаф аз ин  боло бурдани тавони муқовиматпазирии организм дар муқобили вируси COVID-19 мебошад. Вояи сеюми воксина барои афроди аз 65-сола боло аллакай дастрас аст. Мақомот машварат додаанд, ки сокинони 50 то 64-сола ҳам метавонанд аз ин воксина бигиранд. Шарт ин аст, ки охирин вояи воксинаи Pfizer ё Moderna бояд шаш моҳ пеш гирифта шуда бошад. Читать дальше...

Вазири дифои ИМА Ллойд Остин рӯзи 20-уми ноябр ҳушдор дод, ки намегузорад Эрон ба силоҳи ҳастаӣ даст ёбад ва  аз «истифодаи хатарноки» дронҳои худкуш дар Ховари Миёна ҷилавгирӣ хоҳад кард. Ллойд Остин, ки дар ҳамоиши солонаи «Муколамаи Манама» дар Баҳрайн  иштирок мекунад, бо чунин суханҳо ба ширкатдорони ин нишаст муроҷиат кард. Ин ҳушдор замоне садо дод, ки  Вашингтон гуфтааст дар андешаи эҳёи созиши ҳастаии соли 2015 бо Эрон мебошад. Остин хитоб ба муттафиқони арабии ИМА гуфт, ки Амрико ба ҳалли дипломатии ин мавзӯъ бовар дорад. Читать дальше...

Собиқ президенти зиндонии Гурҷистон Михаил Саакашвилӣ ба беморхонаи низомӣ интиқол ёфт ва, ба қавли вакили дифоъ ва табиби ӯ, қарор аст он ҷо гуруснанишиниашро хотима диҳад. Ӯро шаби 19-уми ноябр ба як беморхонаи низомии шаҳри Гори бурданд, чун баъди 50 рӯзи гуруснанишинӣ нигаронӣ аз вазъи саломатии ӯ бештар мешавад. Ҳуқуқшинос Ника Гварамия уфт,  ки Саакашвилии 53-сола розӣ шуд, ки дар сурати ба беморхона интиқол ёфтанаш даст аз гуруснанишинӣ бардорад. Духтури хусусии ӯ Ноколоз Кипшидзе гуфт, ки Саакашвили бояд чандин озмоиши тиббиро гузарад. Читать дальше...

Ахиран вакилони Маҷлиси намояндагони Тоҷикистон бо қабули илова ба Кодекси ҳуқуқвайронкунии маъмурӣ, муҷозот барои зӯроварӣ нисбати кӯдаконро сахттар карданд.

Ҳукми 9 соли зиндони Иззат Амон қувваи амалӣ гирифт ва дар рӯзҳои наздик вай ба маҳбас интиқол дода мешавад. Маҳмадюсуф Холов, писари Иззат Амон рӯзи 20-юми ноябр ба Радиои Озодӣ гуфт, ба онҳо дар  котиботи додгоҳи шаҳри Душанбе гуфтанд, ки баъди бетағйир мондани ҳукм,  он ба қувваи амал даромад. Як манбаъ аз Додгоҳи шаҳри Душанбе гуфт, ки дар бораи ҳукми додгоҳ ва қувваи амалӣ гирифтани он  вакили дифоъ Саидбурҳон Шарифов огоҳонида шудааст.  Маҳмадюсуф Холов, писари ҳомии ҳуқуқи муҳоҷирон, ки то охир ба афв ва озод шудани падар умедвор буд... Читать дальше...

Рӯзи 20 ноябр адабиётшиноси маъруфи тоҷик Абдухолиқ Набавӣ (Набиев) 75-сола шуд. Ин омӯзгори собиқадори донишгоҳи миллии Тоҷикистон ва  ходими калони илмии Пажӯҳишгоҳи забон ва адабиёти ба номи Абӯабдуллоҳи Рӯдакии Академияи илмҳои Тоҷикистон  барои таҳқиқи мавзӯи «Масъалаи психологизм дар насри муосири тоҷик» унвони номзади илми филологияро гирифтааст. Итифоқи нависандагони Тоҷикистон менависад, даҳҳо мақолаву таҳқиқоти илмии ӯ «раванди адабӣ, амсоли марҳалаҳои тасвири бадеии инсон дар адабиёти муосири тоҷик... Читать дальше...

Мақомоти вазорати тандурустии Тоҷикистон шоми 19-уми ноябр аз олудашавии чор нафари дигар ба  COVID-19 хабар доданд. Ба иттилои расмӣ, дар Тоҷикистон шурӯъ аз 30-юми апрели соли 2020, ки санаи оғози бақайдгирии  ҳолатҳои олудашавӣ ба коронавирус мебошад,  17095 нафар гирифторони сирояти коронавирус ва 124 ҳолати фавт бар асари ин беморӣ ба қайд гирифта шудаанд. Бисёриҳо ба омори расмӣ бо шубҳа менигаранд ва мегӯянд, эҳтимоли пинҳон доштани омори воқеии гирифторони коронавирус дар Тоҷикистон зиёд аст. Читать дальше...

Полиси Украина мегӯяд,  дар вилояти Харкови ин кишвар ахиран як шаҳрванди Тоҷикистон боздошт шудааст, ки барои  ширкат дар созмонҳои террористӣ гумонбар дониста мешавад. Хабаргузории Интерфакс-Украина исм ва ҳуввияти ин мардро нашр намекунад, вале мегӯяд, ки ӯ 29 сол дошта, бо як қарори додгоҳи ноҳияи Ашти вилояти Суғд дар вайрон кардани моддаи 187, б.2-и Кодекси ҷиноии Тоҷикистон оид ба таъсиси гурӯҳи ҷиноӣ бояд боздошт шавад. Санҷидани ҷузъиёти ин хабар дар сафорати Тоҷикистон дар Украина рӯзи 20-уми ноябр  имкон надошт. Читать дальше...

СММ аз мақомоти Тоҷикистон аз истирдоди паноҳҷӯёни афғонистонӣ ба кишварашон бонги изтироб зад.

Мақомоти шаҳри Ишқобод дар пасманзари сахттар шудани буҳрони ғизоӣ дар Туркманистон ҳаҷми фурӯши рӯзонаи маҳсулоти хӯроквориро барои муштариён камтар карданд.

Тақрибан 50 мошини борбаре, ки аз Тоҷикистон ба Русия ангур мебурданд, дар гузаргоҳи гумрукии "Сагарчин"-и Оренбург ва "Троитский"-и Челябинск банд мондаанд.