Новости за 13.10.2019

Мақомоти Вазорати дифои Афғонистон гуфтанд, рӯзи 12-уми октябр ноҳияи Дашти Арчии вилояти Кундузро аз зери тасарруфи ҷангҷӯёни Толибон озод кардаанд. Ин ноҳия дар наздикии марз бо Тоҷикистон ҷойгир аст. Дар баёнияи Вазорати дифои Афғонистон гуфта шудааст, нерӯҳои давлатии Афғонистон ба маркази ноҳия ҳамла бурда, "паноҳгоҳҳои душманро хароб карданд" ва "ба онҳо зиёни ҷиддӣ расонданд". Толибон аз соли 2015 ба ин тараф дар вилояти шимолии Кундуз, ки аз назари стратегӣ ва иқтисодӣ муҳим шумурда мешавад, ҳузури густарда доранд.

Ҳудуди 40 дарсади афроде, ки аз Тоҷикистон ба хориҷа муҳоҷират мекунанд, шахсони дорои маълумоти олӣ будаанд. Дар ин бора дар гузориши нави Бонки Ҷаҳонӣ таъкид шудааст. Гузориш ҳафтаи гузашта бо номи "Муҳоҷират ва фирори мағзҳо" нашр шуд.  Муаллифони гузориш навиштаанд, ҳамчунон самти муҳоҷират аз кишварҳои Осиёи Миёна дар ҳоли тағйир аст. Дар пасманазари рукуди иқтисодӣ ва рушди суст дар Русия даромади муҳоҷирон кам шудааст ва бисёре аз муҳоҷирон рӯ ба кишварҳо аврупоӣ овардаанд. Тағйирёбии самти муҳоҷират дар ҳолест... Читать дальше...

Мақомот дар Тоҷикистон «аз вайрон шудани таркиби ғизои сокинон» нигаронанд. Пизишкон мегӯянд, ғизои якрангу носолим боис ба бемориҳои гуногун, аз ҷумла бисёрвазнӣ ё фарбеҳии бахше аз аҳолӣ шудааст. Сокинон дар навбати худ мақомотро айбдор мекунанд, ки имкон фароҳам овардаанд, ғизои носолим дар бозорҳо зиёд шавад.  "Ҳот-дог", "ҳамбургер", "шаурма" ва хӯрокҳои дигари зудпаз ва маҳсулоти равғанӣ аз ғизоҳои маъмулу серхарид дар шаҳри Душанбе аст. Нуқтаҳои фурӯши чунин хӯрокҳоро дар сари ҳар қадам дидан мумкин аст. Читать дальше...

Чанде аз кишварҳои аврупоӣ фурӯши аслиҳаро ба Туркия маҳдуд кардаанд. Ин иқдом ба амалиёти низомии Туркия дар шимоли шарқи Сурия рабт дорад.  Дар ин маврид раҳбарони Олмону Фаронса рӯзи шанбеи 12-уми октябр маълумот доданд. Онҳо гуфтанд, аз фурӯши силоҳҳое, ки Туркия метавонад аз он дар амалиёт ба зидди курдҳо истифода кунад, худдорӣ мекунанд. Пеш аз ин тасмими кишварҳои аврупоӣ, Лигаи кишварҳои араб дар иҷлоси изтирории худ дар Миср ин иқдоми Туркияро "ишғоли сарзаминҳои як кишвари араб" хонда ва маҳкум карданд. Читать дальше...

Тед Круз, сенатори амрикоӣ мегӯяд, раҳбари Ҳонг Конг, ки аз пуштибонии Чин бархӯрдор аст, мулоқоташро бо ӯ бекор кардааст. Ин намояндаи Ҳизби Ҷумҳурихоҳ рӯзи 12-уми октябр гуфт, Карри Лам аз вай хоста буд, суҳбат дар бораи ин шаҳри пурҷанҷолро махфӣ нигоҳ дорад ва дар ин маврид ба расонаҳо лаб накушояд. Чизе, ки сенатори амрикоӣ қабул накардааст. Сенатор Круз яке аз мунтақидони Чин аст. Вай ҳангоми сафари дурӯзааш ба Ҳонг Конг аз раҳбари он Карри Лам интиқод кард ва гуфт, «ба назар мерасад, ӯ... Читать дальше...

Дастаи мунтахаби миллии футболи Ҷопон, ки барои бозии интихобии қаҳрамонии ҷаҳон-2022 муқобили мунтахаби Тоҷикистон ба Душанбе омадааст, аввалин тамринашро 12-уми октябр дар Варзишгоҳи марказии Душанбе баргузор кард. Хадзимэ Мориясу, сармураббии мунтахаби Ҷопон, ба Душанбе 23 бозигар - 3 дарвозабон, 7 ҳимоятгар, 10 нимҳимоятгар ва 3 ҳамлагар - овардааст, ки танҳо чаҳор нафарашон аз бошгоҳҳои футболи Ҷопон мебошанд, 19 нафари дигар дар бошгоҳҳои аврупоӣ бозӣ мекунанд. Меҳмонон дар меҳмонхонаи «Ҳаятт Риҷенси Душанбе» зиндагӣ менамоянд. Читать дальше...

Бисёре аз паноҳҷӯёни эронӣ, ки ба умеди тағйир дар зиндагӣ бо таҳаммули сахтиҳои зиёд худро ба Юнон расондаанд, акнун дар вазъияти номуносибе ба сар мебаранд. Хабарнигор Бомдоди Исмоилӣ дар филми мустанаде барои Радиои Фардо, бахши эронии Радиои Озодӣ, шароити паноҳҷӯёни эрониро дар Юнон баррасӣ кардааст.

Имрон Хон, нахуствазири Покистон, ба Эрону Арабистони Саудӣ меравад, то барои ҳалли буҳрони миёни ду рақиби минтақаӣ ба воситаи гуфтугӯҳо талош кунад. Вазорати корҳои хориҷии Покистон хабар дод, ки қарор аст Имрон Хон рӯзи 13-уми октябр ба Теҳрон расад ва сипас вориди Арабистони Саудӣ хоҳад шуд. Дар пайи ҳамлаи 14-уми сентябр ба муассисаҳои истихроҷи нафти Арабистони Саудӣ, Доналд Трамп – раиси ҷумҳури Амрико – аз Имрон Хон хоста буд, барои коҳиши танишҳо миёни ду кишвари мусалмон нақши муассир ифо кунад. Читать дальше...

Як тағйирот барои довталабони "корти сабз" (Green Card)-и Амрико дар Тоҷикистон бисёриҳоро дар вазъияти мушкил гузоштааст. Сафорати Иёлоти Муттаҳида дар Душанбе эълон кард, ки имсол бояд довталабони "грин корт" рақами шиносномаи хориҷии худ ва муҳлати анҷоми онро бинависанд. Барои гирифтани шиносномаи хориҷии Тоҷикистон ҳудуди ҳазор сомонӣ ва беш аз ду ҳафта зарур аст. Аксар сокинон, ки солҳои пеш бе ягон мушкил бо шиносномаи дохилӣ аризаи "грин корт" пур мекарданд, гуфтанд, ин талаботи нав барояшон... Читать дальше...

Нерӯҳои посдори сулҳи кишварҳои узви Созмони Паймони Амнияти Дастҷамъӣ дар тамрини “Бародарии шикастнопазир” дар размоишгоҳи Ҳарбмайдони Тоҷикистон иштирок хоҳанд кард. Тамрин аз 21 то 29-уми октябри имсол баргузор мешавад. Дар ин бора Ҳавзаи Низомии Марказии Русия хабар дод. Созмони Паймони Амнияти Дастаҷамъӣ, ки зери назорати Русия амал мекунад, як ташкилоти низомӣ ва сиёсӣ буда, ба узвияти он Арманистону Беларус, Қазоқистон, Қирғизистон, Русия ва Тоҷикистон шомил ҳастанд. Хадамоти матбуоти Ҳавзаи Низомии Марказии Русия гуфт... Читать дальше...

Аз 26-уми октябр то 17-уми ноябр дар Бразилия Ҷоми ҷаҳон байни футболбозони то 17 сола баргузор мегардад. Тими наврасони Тоҷикистон дар гурӯҳи "Е" бо мунтахаби наврасони Испания, Аргентина ва Камерун бозӣ мекунад

Убайдулло, сокини 35-солаи вилояти Хатлон, баъд аз як муддати кор дар идораҳои давлатӣ бо сабаби камии маош аз идомаи фаъолият даст кашид ва ба сафи бекорони хонаводаи даҳнафариашон пайваст. Ҳоло танҳо падараш маош мегирад, аммо чархи зиндагии онҳо, ки дар байнашон занони хонанишин, кӯдакон ва донишҷӯён низ ҳастанд, бо мусоидати ду бародари муҳоҷираш ҳаракат мекунад. Бародарони Убайдулло беш аз даҳ сол боз аз ҳисоби кор дар як нуқтаи мошиншӯии Маскав даромад мебинанд. "То замони ҷорӣ шудани патент моҳе тахминан 500-600 доллар мефиристоданд. Читать дальше...

Фаронса ва Лигаи кишварҳои араб хоҳони қатъи ҳамлаҳои Туркия ба шимоли Сурия шудаанд. Аҳмад Абулғейт, раиси Лигаи кишварҳои араб, рӯзи 12-уми октябр аз Туркия хост, нерӯҳои худро аз кишвари ҷангзадаи Сурия берун кунад. Ба гуфтаи ӯ, ҳамлаи Туркия ба шимоли Сурия боиси мавҷи нави беҷошудагон гардида, дастовардҳо дар ҷанг ба зидди гурӯҳи тундрави “Давлати исломӣ”-ро ба хатар рӯ ба рӯ кардааст. Эммануел Макрон, раиси ҷумҳури Фаронса, низ ҳушдор додааст, ки ин ҳамла метавонад боиси аз нав ҷон гирифтани... Читать дальше...

Халабони рус Владимир Садовничий, ки соли 2011 дар Тоҷикистон ба 8,5 соли зиндон маҳкум ва дертар зери фишорҳои мақомоти Русия афв шуда буд, дар як садамаи ҳавопаймо дар шарқи Конго ба ҳалокат расидааст. Сафорати Русия дар ин кишвари африқоӣ рӯзи 12-уми октябр марги халабонро тасдиқ кард. Мақомот гуфтанд, халабони дигари рус Виталий Шумко низ дар ин ҳодиса ҷон бохтааст. Амалиёти наҷот ва ҷустуҷӯи ҷасадҳо идома дорад. То ҳол сабаби садама эълон нашудааст. Хабаргузориҳои Русия навиштанд, ҳодиса рӯзи 10-уми октябр... Читать дальше...