Новости за 11.08.2018

Мақомоти Тоҷикистон ба Фотима Давлатова – духтари даҳсолаи Шабнам Худойдодова – як фаъоли сиёсии тоҷик, ки дар Аврупо ба сар мебарад, иҷоза доданд, аз кишвар берун равад.

Мақомоти Тоҷикистон ба Фотима Давлатова – духтари даҳсолаи Шабнам Худойдодова – як фаъоли сиёсии тоҷик, ки дар Аврупо ба сар мебарад, иҷоза доданд, аз кишвар берун равад.

Сипоҳи посдорони инқилоби исломии Эрон гуфт, ки нирӯҳояш даҳ ҷангҷӯи мусаллаҳро дар як минтақаи курднишини ҳаммарз бо Ироқ куштаанд. Дар як эъломия, ки рӯзи 11-уми август хабаргузории ИРНА нашр кард, Сипоҳи посдорони инқилоби исломӣ гуфтааст, ин даҳ нафар ба “як гуруҳи террористии хеле хуб муҷаҳҳаз” мутааллиқ будаанд. Бар асоси эъломия, дар ин задухӯрд, ки рӯзи 10-уми август сурат гирифт, теъдоди дигаре аз ҷангҷӯён захмӣ шудаанд. Сипоҳи посдорони инқилоби исломии Эрон дар мавриди талафоти нирӯҳояш маълумот надодааст. Читать дальше...

Дар натиҷаи даргирии байни пулис ва эътирозгарони зидди фасод дар Руминия садҳо тан захмӣ шуданд. Мақомоти Руминия мегӯянд, пас аз онки тазоҳуроти зидди фасод ба хушунат печид, 440 нафар, аз ҷумла беш аз даҳ пулиси зидди шӯриш захмӣ шуданд. Рӯзи 10-уми август ҳазорҳо нафар барои иштирок дар тазоҳуроти зидди фасод дар шаҳри Бухарест, пойтахти Руминия, ба хиёбонҳо баромада ва хостори истеъфои ҳукумат ба хотири тағйир дар қонунҳои он кишвар шуданд. Мунтақидон гуфтанд, ин тағйирот пайгарди қонунии фасодро дар он кишвар душвор хоҳад кард. Читать дальше...

Ба зудӣ дар маконҳои фароғатии шаҳри Душанбе муҷассамаҳои тарбиявӣ қомат хоҳанд афрохт. Ҳайкалҳое, ки тавассути онҳо ҷалби кӯдакон ба мактабу китобхонӣ ва намунаи хонаводаи хушбахт тарғиб мешавад.

Муҳаммад Ҷавод Зариф, вазири умури хориҷии Эрон, гуфт, ки бо мақомоти амрикоӣ, аз ҷумла вазири корҳои хориҷии он кишвар ҳеҷ мулоқоте барномарезӣ нашудааст. Дар посух ба суоли хабаргузории нимарасмии “Тасним” дар мавриди эҳтимоли мулоқот бо мақомоти амрикоӣ дар ҳошияи Ассамблеяи умумии Созмони Милал, Муҳаммад Ҷавод Зариф гуфт, “чунин мулоқот дар нақша нест”. Рӯзи шашуми август, чанд соат қабл аз дубора ҷорӣ шудани таҳримҳои Вашингтон алайҳи Теҳрон, Ҳасани Рӯҳонӣ –  раиси ҷумҳури Эрон – дархости гуфтугӯҳои бидуни пешшарти Амрикоро рад кард. Читать дальше...

Расонаҳои Узбекистон хабар доданд, ки санаи сафари давлатии раиси ҷумҳури Тоҷикистон ба Тошканд маълум шудааст. Вебсайти Газета.уз бо такя ба нашрияи давлатии “Халқ сӯзӣ” (Сухани халқ) рӯзи 11-уми август гуфт, ин сафари Эмомалӣ Раҳмон рӯзҳои 17-18-уми августи имсол сурат мегирад. То ба ҳол мақомоти Вазорати корҳои хориҷии Узбекистон дар ин бора расман хабар надодаанд. Мақомоти Тоҷикистон низ ҳанӯз санаи дақиқи сафари президентро эълон накарданд. Ин аввалин сафари давлатии Эмомалӣ Раҳмон дар ҳабдаҳ соли охир хоҳад буд. Читать дальше...

Раҳбарияти Тоҷикистон хостааст, ки дар ҳалли низои Боку ва Ереван бар сари минтақаи Қарабоғи Кӯҳӣ “тамомияти арзӣ ва дахлнопазирии марзҳои эътирофшудаи Озарбойҷон” ба эътибор гирифта шавад.

Шӯрои амнияти Созмони Милали Муттаҳид гуфт, дар бораи бомбаборони ахири Эътилофи ба раҳбарии Арабистони Саудӣ дар Яман бояд баррасии шаффофу қобили боварӣ анҷом дода шавад. Бино ба гузоришҳо, дар ҳамлаи ҳавоии рӯзи 9-уми августи нирӯҳои Эътилоф ба як бозор дар шимоли Яман 29 тифл кушта шудааст. Ҳамла мошинеро дар Яман ҳадаф қарор дода буд, ки гуфта мешавад хонандагони мактабро интиқол медод. Дар натиҷаи ин ҳамла даҳҳо нафар куштаву захмӣ шудаанд. Карен Пирс, сафири Бритониё дар Созмони Милали... Читать дальше...

Раёсати кофтукоби ҷиноии Вазорати умури дохилии Тоҷикистон 7 шаҳрванди кишварро, ки гуфта мешавад, пайрави ҷараёни мамнӯи "Салафия" буданд, аз Русия ба ватан баргардондааст.

Владимир Путин – раиси ҷумҳури Русия – таҳримҳои нави эҳтимолии Амрико алайҳи ин кишварро комилан ғайриқонунӣ хонд ва маҳкум кард. Расонаҳои Русия дар ин бора аз қавли Дмитрий Песков, сухангӯи Кремл, гузориш доданд. Песков гуфтааст, Владимир Путин рӯзи 10-уми август дар нишасти Шӯрои амнияти Русия тасмимҳои, ба қавли ӯ, ғайридӯстонаи Вашингтонро мавриди баҳс қарор додааст. Сухангӯи Кремл ба расонаҳо гуфтааст, дар ин нишаст таъкид шуд, чунин иқдомот аз нигоҳи қонунҳои байналмилалӣ ҳеч машрӯият надорад. Читать дальше...

Як зани 34-сола аз ноҳияи Рӯдакӣ бо гумони қатли шавҳараш боздошт шудааст. Мақомоти умури дохилӣ рӯзи 11-уми август гуфтанд, ки ҳодиса ду соли пеш рух дода буд. Ба қавли манобеи Вазорати корҳои дохилӣ, ин зан моҳи сентябри соли 2016 аз хоб будани шавҳараш истифода карда, чанд дафъа бо санг ба сари ӯ задааст. Дар натиҷа мард дар ҷойи ҳодиса фавтидааст. “Баъдан, зан замини ҳуҷраи хобро канда, ҷасади шавҳарашро зери хок карда, болояшро бо семент ҳамвор кардааст”, - гуфтанд дар Вазорати корҳои дохилии Тоҷикистон. Читать дальше...

Баҳром Маҳмадҷонов, раиси "Ресандаи Тоҷикистон РБТ" - яке аз корхонаҳои азими нассоҷӣ дар шимоли кишвар - аз боздошт раҳо шуд.