د طالبانو حکومت تایید کړه چې وروستیو سیلابونو لږ تر لږه ۱۰ نور کسان هم مړه کړي
د طالبانو حکومت تایید کړه چې وروستیو سیلابونو لږ تر لږه ۱۰ نور کسان هم مړه کړي دي.له پېښو سره د مبارزې ادارې د یکشنبې په ورځ په یوه بیان کې ویلي چې په ځینو ولایتونو کې د بارانونو، سېلابونو، د دیوالونو د نړېدو او غره ښوویېدنې په پېښو کې لس کسان مړه او ۱۵ نور ټپیان شوي.همدارنګه څه باندې ۱۰۰ هستوګن کورونه هم ړنګ شوي.په دې سره په افغانستان کې تېر څه باندې دوه اوونۍ سیلابونو او د کورونو د ړنګېدو په پېښو کې ۱۸۹ مړه او ۲۵۲ نور کسان ټپیان شوي.د دوشنبې لپاره د افغانستان اکثرو سیمو کې هوا نسبتاً ښه بلل شوې خو په سالنګونو کې د سړې هوا او شدید بادونو او په نورستان کې د هوا د سړېدو اټکل شوی.