ملګري ملتونه: په افغانستان کې د کوکنارو پر بدیلو کښتونو بحث په کار دی
UNODCپرون پر خپله اېکس پاڼه (پخواني ټویټر) خبر ورکړی چې د کروندګرو لپاره د کوکنارو پرځای د ډاډمن بدیل کښت په اړه د بحث لپاره یې په کابل کې د کارپوهانو یوه ډله رابللې، څو د هغو کروندګرو ستونزې ته یوه حللاره ومومي چې د کوکنارو پرکښت متکي دي.
UNODCد دې بحثونو د نتایجو یادونه ده کړې، خو ویلي یې دي چې په دې اړه نورو بحثونو ته اړتیا شته.
پر افغانستان د طالبانو له واکمنېدو وروسته په تېرو څه باندې دوو کلونو کې که څه هم د کوکنارو په کرنه کې د پام وړ کموالی راغلی، خو کروندګر او څارونکي وايي چې که د بدیل معیشت لپاره لارې چارې ونه لټول شي، نو ښايي خلک بیا د کوکنارو کرکیلې ته مخه کړي.