امریکا: روسیې د لاتینې امریکا په کچه د ناسمو معلوماتو د خپرولو کمپاین پیل کړی
د امریکا د بهرنیو چارو وزارت په یوه بیان کې چې بېګا خپور شو ویلي چې د کریملین وروستی هدف دا دی چې په لاتینه امریکا کې د خبرونو اورېدونکو او لیدونکو ته د سیمه ییزو رسنیو له لارې تبلیغاتي مواد او ناسم معلومات په داسې طریقه ورسوي چې د سیمې اوسېدونکو ته حقیقي ښکاري.
دا بیان د هغو اقداماتو د مخنیوي لپاره چې واشنګټن یې د کریملین د بهرنۍ پالیسۍ د ترویج په هدف د روسیې له لوري د ناسمو معلوماتو د خپرولو هڅه بولي، د امریکا د طرحو یوه برخه ده.