په متحده عربي اماراتو کې د افغاني پاسپورټونو وېش پیل شو
د دې وزارت مرستیال ویاند حافظ ضیا احمد نن په خپله اېکس پاڼه کې کښلي چې د طالبانو د مشرد فرمان له مخې او د بهرنیو چارو وزارت د مقام له هدایت سره سم د متحده عربي اماراتو په پلازمینه ابوظبي کې د سفارت د کونسلۍ څانګې له خوا د پاسپورټونه د ویشلو لړۍ له ننه پیل شوې او افغانان کولای شي چې د پاسپورټونو د ترلاسه کولو لپاره ورته مراجعه وکړي.
د طالبانو د حکومت د بهرنیو چارو وزارت د روانې لړم میاشتې په لومړیو کې ویلي وو، چې چې بدرالدین حقاني په متحده عربي اماراتو کې د افغانستان سفارت کارکونکو ته د سرپرست سفیر په توګه ورپېژندل شوی دی.
که څه هم د طالبانو حکومت تراوسه د نړۍ هیڅ یوه هیواد په رسمیت نه دی پیژندلی، خو یوشمېر هیوادونو ته یې خپل ډیپلوماټان استولي دي.