طالبان د مخکیني نظام پوروړو شرکتونو ته پاتې پیسې ورکوي
دغه وزارت تېره روځ په خپل توېټر پاڼه ولیکل، چې د وزارت چارواکو تېره ورځ د یو شمېر شرکتونو له مسوولینو سره په لیدنه کې دوی ته د پورونو د ورکړې ترڅنګ د نویو پروژو ژمنه هم ورکړې.
وزارت وړاندې لیکلي، چې د پورونو له ورکړې سره به ساختماني او لوژیستیکي شرکتونه پاتې پروژې هم بشپړوي.
دا په داسې حال کې ده، چې د ساختماني شرکتونو یو شمېر مالکانو شاوخوا درې میاشتې وړاندې په کابل کې د پرلپسې لاریونونو له لارې د خپلو پورونو د اخیستو غوښتنه کړې وه.
دوی هغه مهال ویلي و، چې په تېر حکومت کې یې زیاتې پروژې عملي او بشپړې کړې وې خو پیسې یې نه دي ترلاسه کړي.