طالبانو په پنجشېر کې د يوه عام وګړي وژل منلي
د پریان ولسوالۍ مرستیال مولوي شیر علي ازادي راډیو ته وویل، چې د دوی ځواکونو په دوو کسانو ډزې کړي چې یو یې وژل او بل یې ټپي شوی دی.
نوموړی وایي، دغه دواړه کسان ورونه وو چې طالبانو په تېروتنې سره داسې مهال ډزې پرې کړي چې خپلو کروندو کې یې اوبه لګولې.
نوموړي نه دي ویلي، چې دا پېښه څه وخت شوې ده.
تر دې وړاندې د افغانستان د بشري حقونو په برخه کې د ملګرو ملتونو ځانګړي راپورورکونکي ریچارد بننټ ویلي چې پنجشېر کې د ملکیانو د وژنې او له هغوی سره د ناوړه چلند په اړه اندېښنه لري.