په بلوچستان کې د عوامي نېشنل ګوند يو مشر سیاستوال تښتول شوی
د دې ګوند د مشرانو او ځاييچارواکو په خبره کاسي خپل کور ته روان وو چې نامعلومو وسله والو د ځان سره بوت. د جون په ۲۷مه د دې ګوند صوباييجنرل سيکريټري مابت کاکا مشال رېډيو ته وويل ملک کاسی د عثمان کاکړ په جنازه کې تر ګډون وروسته خپل کلي کتیر ته پر لارې تښتول شوی. تر پېښې وروسته د عوامي نېشنل ګوند غړو احتجاج وکړ او د کوټې – چمن ترمنځ سړک يې وتاړه. دوی له حکومته غوښتنه کوله چې کاسي دې پېدا او خوشي کړي.
د کوټې ډپټي کمیشنر زیب باديني د عوامي نېشنل ګوند د مشرانو سره په دې اړه خبرې کړي او د تښتونکو پر ضد یې د کاروايي ډاډ ورکړی دی. مابت کاکا مشال رېډيو ته وويل چې چارواکو ورته ويلي چې کاسي به مومي او راخوشي کوي به یې. هغه زیاته کړه: ((موږ له دې وجې د دريوو ورځو لپاره خپل احتجاج ځنډولی دی خو که هغه راخوشې نه شو نو بیا به سړکونو ته راوځو.))
بل لور ته د کچلاغ پولیسو دملک عبیدالله د اغوا په اړه د ناڅرګنده کسانو پر ضد مقدمه درج کړې ده خو تردم ګړۍ یې څوک نه دې نيولي. کومې وسله والې ډلې هم د هغه د تښتولو ذمه واري نه ده منلې.
د جون په ۲۷مه په کوټه کې د بېلابېلو سیاسي ګوندونو او قومونو مشرانو يوه جرګه هم راغوښتل شوې. دوی پر دې خبره کوي چې د عبېدالله کاسي د خوشي کولو لپاره څه کېدلی شي او د حکومت په وړاندې څنګه خپله د امنيت مسله راپورته کړي.
دا لومړی ځل نه دی چې په بلوچستان کې د عوامي نېشنل ګوند مشران سیاستوال په نښه کېږي. د ۲۰۲۰ کال په سپتمر کې د بلوچستان لپاره د عوامي نېشنل ګوند د اطلاعاتو سيکريټري اسد خان اڅکزی له چمنه کوټې ته په غځېدلې لار تښتول شوی وو. پينځه مياشتې وروسته.د هغه مړی موندل شوی وو.
په ۲۰۱۳ کال کې د عوامي نیشنل ګوند پخوانی صوبايي صدر ارباب عبدالظاهر کاسي د کوټې له پټېل سړکه تښتول شوی وو. وروسته بیا هغه په پېښور کې وموندل شو خو تر اوسه معلومه نه ده چې هغه چا تښتولی وو او څنګه راخلاص شو.