Новости за 08.10.2022

له ۱۷ کلنو د کم عمره افغان لوبغاړو د فوټبال لوبډلې منګولیا ته پنځه- صفر ماتې ورکړه. پرونۍ لوبه د اسیايي ملتونو جام د ۱۷ کلنو لوبغاړو د لوبډلو ترمنځ د لوبو په لړۍ کې په ایچ ګروپ کې په تاجکستان کې ترسره شوه. د افغانستان د فوټبال د ملي فدراسیون ویاند فېروز مشعوف بېګا آزادۍ راډیو ته وویل چې د دې لوبې نتیجه امېدواروونکې ده. هغه وویل: "دا بریا په لومړي ګام کې زموږ لپاره ډېره امېدواروونکې ده البته دې ته په پام سره چې له هر ګروپ څخه یوه لوبډله په مستقیم ډول غوره کېږي او موږ له یوې بریا سره د جدول په... Читать дальше...

د اروپايي ټولنې مشرانو د چک جمهوریت په پلازمېنه پراګ ښار کې پرون په یوه غیررسمي غونډه کې اوکراین ته د مالي او پوځي مرستو پر برابرولو موافقه وکړه، خو د اروپايي مشران په دې غونډه کې د تېلو او ګاز د بیو د کنټرولولو په برخه کې موافقې ته ونه رسېدل. د اروپايي ټولنې ډېری غړي هېوادونه غواړي چې د روسیې د انرژۍ پر سرچینو اتکا راکمه کړي. اروپايي ټولنه له څو اونیو راهیسې په غړو هېوادونو کې د تېلو او ګاز د بیو په کنټرول بوخت دي، خو د کنټرول د څرنګوالي پرسر د اختلاف له کبله د دوی غونډو تراوسه نتیجه نه ده ورکړې.

فوربس مجلې راپور ورکړی چې د پاریس د سنت جرمن د فوټبال لوبډلې مهاجم کیلیان امباپي د نړۍ تر ټولو ګران بیه فوټبالر شوی دی. د راپور له مخې اټکل کېږي چې په ۲۰۲۲ او ۲۰۲۳ کلونو کې به د امباپې بیه ۱۲۸ میلیون ډالره وي او په دې توګه ۲۳ کلن امباپې د لیونېل میسي او کریستیانو رونالډو ریکارډ مات کړ. د فوربز مجلې د کلني راپور په اساس د فوټبال په نړۍ کې د میسي ارزښت ۱۲۰ میلیون ډالر او د رونالډو ۱۰۰ میلیون ډالره اټکل شوی دی.

د طالبانو حکومت په نژدې راتلونکي کې د هرات صنعتي پارک ته له ټاپي پروژې څخه د ګاز د وېش د طرحې د بشپړېدو خبر ورکوي. د طالبانو د حکومت د کانونو او پټرولیم وزارت وايي، د ټاپي پروژې د عملي کولو د یوې برخې په توګه د هرات ښار د صنعتي پارک د ګاز د لګښت طرح چمتو شوې ده. د دې وزارت ویاند مفتي عصمت الله برهان بېګا آزادۍ راډیو ته وویل چې د دې او د ټاپي پروژې پر اړوندو نورو مسایلو اوسمهال په ترکمنستان کې د طالبانو د حکومت د یوه پلاوي خبرې روانې دي. برهان وویل: "د معدن او پټرولیم وزارت د مسلکي معین انجنیر... Читать дальше...

د ملګروملتونو د بشری حقونو شورا په افغانستان کې د دې شورا د ځانګړي راپور ورکوونکي ماموریت د یوه بل کال لپاره تمدید کړ. په افغانستان کې د بشري حقونو په چارو کې د ملګروملتونو د ځانګړي راپور ورکوونکي ریچارد بینیت ماموریت د یوه بل کال لپاره تمدید شو. د ملګروملتونو د بشری حقونو د شورا په غونډه کې چې بیګا په ژنیو کې جوړه شوه، د ښاغلي بینیت په ماموریت کې دوه نوي مسوولیتونه چې یو د ماشومانو د حقونو لپاره کار او بل په افغانستان کې له بشري حقونو د سرغړونو ثبتول او د بشري حقونو نړیوالې شورا ته د هغو وړاندې کول هم ورزیات شول. Читать дальше...