پاکستان ته د اوسپنې د قاچاق په اړه د افغان سوداګرو اندېښنې
د دغه خونې رئیس شمس الحق مجاهد نن ازادي راډیو ته وویل چې لا هم داغمه وسپنې د ولسمشر فرمان خلاف پاکستان ته قاچاق کېږي او له همدې امله د وسپنې د ویلي کولو د اکثرو فابریکو کار له سقوط سره مخ دی.
ښاغلی مجاهد زیاتوي هره ورځ د وسپنې د ویلې کولو فابریکې له ۳۰ تر څلوېښت ټنه اوسپنه تولیده وي، خو د نوموړي په وینا که د اووسپنې د قاچاق مخه ونیول شي، نو دغه رقم به اتیا تر سلو ټنو پورې لوړ شي.
له دې وړاندې د مالیې وزارت ويلي و د اقتصاد عالي شورا د پرېکړې له مخې له هېواده بهر د اووسپني د قاچاق د مخنیوي لپاره یو لړ اقدامات په پام کې نیولي دي.