Støre inviterer Oscar-vinnarane heim til seg på feiring

Statsminister Jonas Gahr Støre (Ap) seier til NRK at han sende ei melding og inviterer Affeksjonsverdi-regissør Joachim Trier og filmteamet heim til seg etter Oscar-sigeren.

– Når gjengen kjem heim att, inviterer eg dei alle heim til meg, så kan vi feire, seier Støre.

Støre skryter også av talen til Trier under Oscar-utdelinga.

– Eg synest det var veldig flott sagt. Han er småbarnspappa og snakkar om kor viktig det er å ta vare på barna våre, seier Støre, som meiner talen også inneheldt ei melding til autoritære leiarar.

I takketalen siterte Trier den amerikanske forfattaren James Baldwin og snakka om ansvaret for å ta vare på barn.

Han åtvara også mot politikarar som ikkje set barns interesser fyrst, og viste til barn som lever med krig og konflikt fleire stader i verda.