Frontkolliderte med 1,85 i promille
0
To bilar med fleire personar var involvert i ein frontkollisjon på Tanangerveien i Sola i ettermiddag, opplyser Sør-Vest politidistrikt i loggen sin. Ein bil skal ha kome over i feil køyrebane, og kollidert med ein møtande bil.
To personar fekk tilsyn av helsepersonell etter kollisjonen. Ein av dei er frakta til Stavanger universitetssjukehus. Politiet melder elles om store materielle skadar.
Føraren av den eine bilen blei oppfatta som rusa, og har tatt ein førebels blåseprøve som syner 1,85 i promille. Politiet dirigerer trafikken manuelt etter kollisjonen.
Politiet blei varsla om kollisjonen i 17.50-tida.