FN-domstol startar høyring om Israels Rafah-operasjon
Den internasjonale domstolen (ICJ) har starta på ei to dagar lang høyring om bakkeoperasjonen til Israel i Rafah på Gazastripa.
Det er Sør-Afrika som har bede om høyringa.
Dette er fjerde gong ICJ blir bedne om å vedta hastetiltak mot Israel sidan saka starta i januar.
Over halvparten av innbyggarane i Gaza har søkt tilflukt i Rafah, men hundretusenvis har flykta frå byen etter at israelske bakkestyrkar begynte å rykke framover.
Sør-Afrika har gått til sak mot Israel med skuldingar om at krigføringa i Gaza er folkemord.
Israel har avvist skuldingane, og seier angrepa mot Gaza er naudsynte for å øydelegge Hamas.