SAIH: Boikottar Israel for fullt
Studentane og Akademikarane sitt Internasjonale Hjelpefond (SAIH) går inn for fullt boikott av aktørar som bidreg til den ulovlege okkupasjonen av Palestina. Det skriv organisasjonen i ei pressemelding.
Boikotten vart vedtatt på årsmøtet til SAIH.
Leiar Selma Bratberg meiner norsk høgare utdanning kan gjera meir for å sikra akademisk fridom i Palestina.
– Verktøykassa er full av moglegheiter. Fleire universitet har allereie fryst utvekslingsavtalar med israelske universitet, og det meiner me er heilt riktig å gjera, seier ho til NRK.