Fleire tips til politiet på Sotra
Politiet har fått fleire tips etter storbrannen på Sotra. Arbeidet med å samla kriminaltekniske spor og ta avhøyr av naboar held fram gjennom helga, seier lensmannen i Askøy og Øygarden. – Det er enkelte tips me må sjekka ut, men det er ingen gjennombrotstips, seier Torgils Lutro. Så langt er to naboar avhøyrde. Det er ingenting som indikerer at brannen er påsett, men politiet utelukkar ingenting. Politiet har oppretta følgande tipstelefon: 476 96 060