Noreg til semifinale i bandy-VM
![Noreg til semifinale i bandy-VM](https://gfx.nrk.no/O5m2K-6_THE6CMX87IG_qwElT1rs5dUr2MUO8qeYOLFQ.jpg)
Dei norske bandykvinnene var sjanselause mot Sverige og tapte heile 11-1 på Frogner stadion. Likevel er dei klare for semifinale fredag. Motstandar der blir Russland, som Noreg tapte 2-0 for tidlegare torsdag. Sverige møter Finland i den andre semifinalen. Noreg starta VM med siger mot USA og Finland og klarte seg også greitt mot favoritten Russland. Sverige og Russland har møtt kvarandre i alle finalane i VM sidan meisterskapet blei arrangert for fyrste gong i 2004.