ЦУК - Активни пожари во Скопско и Демиркаписко

Од Центарот за управување со кризи (ЦУК) информираа дека се уште е активен пожарот во скопската општина Сарај, над селата Буковиќ и Раовиќ, на планинската страна Осој. Се работи за непристапен терен, каде се дејствува со два хеликоптери на Армијата за да се изгасне, велат од ЦУК.



Се уште е активен и пожарот кај Барово, во Демир Капија. Гори сува трева и нискостеблеста шума на тешко пристапен терен. Интервенираат противпожарни возила, комуналното претпријатие и припадници на Шумското стопанство.



Од Центарот за управување со кризи (ЦУК) информираат дека е локализиран пожарот во село Дивље, во скопската општина Петровец. Локализиран е и пожарот на градската депонија во Виница.



Милионски штети од пожарите, потребни пет децении за обнова на шумите


Од почетокот на месецот на повеќе локации во Македонија се појавија пожари. На помош во гаснењето дојдоа пожарникарски екипи со опрема од регионот – Србија, Бугарија, Австрија, Словенија, Романија, Црна Гора и експерти од Франција.