Невремето во Грција предизвика пожари на Халкидики, но помогна во гаснењето на пожарот на Евија
На неколку локации на Халкидики, доцна синоќа избувнаа пожари, веројатно предизвикани од громови, но не претставуваат опасност, додека пак значително е подобрена ситуацијата на грчкиот остров Евија и на Пелопонез, јавува новинската агенција МИА.
Засега активен е еден пожар во Фурка, каде што каде што интервенираат 76 пожарникари со четири пешадиски тимови, со 29 возила и по еден авион и хеликоптер. Невремето проследено со дожд во текот на ноќта помогна и им ја олесни работата на пожарникарите во северниот дел на Евија, кои од 3 август се обидуваат да го стават под контрола пожарот.
Грчката влада ќе расправа за финансиска помош на оштетените во пожарите
Во Грција трет ден пожари, спасено местото на древните Олимписки игри
Србија испраќа во Грција 37 пожарникари со 13 возила и три хеликоптери
Во тој дел и натаму интервенираат 858 пожарникари, како од Грција, така и од Србија, Романија, Полска, Словачка, Украина и Молдавија, а од воздух, пожарот се гаси со четири хеликоптери и три авиони од кои два се руските.
Активен е и пожарот во западниот дел на Пелопонез, каде што интервенираат 678 пожарникари со 30 пешадиски тима и 218 возила, а во справувањето со огнената стихија, помагаат и противпожарните сили од Чешка, Велика Британија, Франција, Германија и Австрија. Од воздух, пожарот се гаси со три авиони и два хеликоптери.