Максути: Механизмот на ЕУ за цивилна заштита е активен од почетокот на пожарите
Директорот на Дирекцијата за заштита и спасување, Беким Максути изјави денеска дека механизмот на ЕУ за цивилна заштита е активен уште од самиот почеток на пожарите.
„Со помошта од Австрија, Словенија и Бугарија и воздухопловот од Романија досега држиме се под контрола“, изјави Максути кој заедно со евроамбасадорот Дејвид Гир денеска го посетија кампот на австриските пожарникари во пехчевско.
Ангелов: сите села во чија близина има пожари се обезбедени
Според него, пожарот кај селото Мачево, како што информираше, е речиси изгаснат, а останува пожарот кај Будимирци.
„Првичната задача ни беше да спасиме што е можно повеќе материјални добра, но и луѓе од селата кои беа загрозени, но со една инклузивност, односно вклученост на сите актери во овие настани, досега бевме на ниво на задачата и ќе продолжиме понатаму“, изјави Максути.
Активни пожари во беровско, скопско, битолско и кумановско, локализиран огнот во делчевско
Евроамбасадорот Гир се заблагодари за посветеноста на европските држави за справувањето со пожарите.
„Длабоко сум импресиониран од посветеноста на различните тимови од Австрија, Словенија и Бугарија, но и од посветеноста на локалната заедница кои мошне јасно не информира за ситуацијата. Овде сме и да се заблагодариме за контрибуцијата меѓу европските земји“, изјави Гир.